S'Kaffipause-Mysterium isch glöst! Und mir hän – resp. dr Silvan het nur (knapp über) 30 Johr für das brucht. Damit mir im Übrige au witerhin usgsehn wie (knapp über) 30, schmiere mir uns ab sofort dr Inhalt vo usbüülte Konservedose ins Gsicht. Wüsseschaftlich fundiert, natürlich – wie alles in dem "Podcast" (und jap, d'Gänsefüessli sind do Absicht). Hauptsach isch am Schluss jo nur, dass mir nid stinke. Euch stinkt's hoffentlich nid bim Zuelose und mir wünsche drum vil Spass <3

049 - Was isch mit dene ihrer Verdauuig los?!

Vive la Romandie & ti amo Italia! Hüt sind mir nämlich e chline Travel-Podcast will professionell duretherapiert sy heisst au, dass me an die Ort goht, wome geil findet, und nid nur an die, wo geil töne. Zuedem wänn mir e Warnig usegeh: Wenn d'Madame euch öppis backt, denn bisset vilicht nid grad volle Hahne drii, suscht händer vilicht e Zahn weniger. 

Vil Spass bim lose!

048 - Ich ha literally ins Gras bisse

Schnusis & Schmuusis, Staffel zwei isch am Start! Das isch jedefalls unseri Usreed drfür, wieso jetzt so lang kei Podcast me cho isch. Me söll sich jo au rar mache, damit ihr schätzed, was ihr an uns hend. Und damit ihr's au uf kei Fall vergessed, hemmer hüt wiedermol e bsunders lustigi Folg ufgnoh. A big beautiful Bodcast quasi. Vil Spass euch bim lose <3

047 - Ich bin dr nervigsti Betrunkeni

Hey-ho & holdriooo,

Euri Lieblings-Halbwüssende behaupte hüt wiedermol a Shitload an medizinische Sache ohni dass das irgendöpper fact-checked. Aber sowit chunnts jo no, das MIIR in UNSEREM EIGENE PODCAST fact-checked werde. Nid mit uns!

Mir wünsche vil Spass bim lose und vor allem: vil Glück!

"Höred uf euri Zähn z'putze!"

Hey guys & guuurrrlllssss,

Hüt git's wiedermol professionelli Tipps dassses bummst & rummst! Wer nid völlig erlüchtet us dere Folg usegoht, de het nid richtig zueglost. Vilicht losisch dr Podcast s'nächste Mol besser ufem Laufband oder währendem Umefingerle mit Zuckersticks, denn kriegsch au öppis mit. Wieso? Das erfahrsch ebbe in dere Folg! :) Vil Spass bim lose!

"Das isch, will du nid ufem Bode schlofsch!" (+ DIE Üebig verbesseret dini Körperhaltig!)

Zäck-bumm do simmer wieder!

Es isch vil passiert in de letschte Wuche, nur öppis isch nid passiert: Unseri Podcast-Ufnahm. Aber do simmer wieder, (uf kei Fall) stronger than before. Was eim aber "stronger than before" würd mache, sind Witerbildige – aber mit dene isch's halt sone Sach, wie mir do usgiebig diskutiere. 

Uns blibt jetzt do an dere Stell nurno z'sage: Twintet uns bitte Geld & hend vil Spass bim lose!

"Alli verliere grad dr Job und allne ischs scheissegal."

Hey guys & guuuurrrlllsssss

Do simmer wieder und - haltet euch fest - IN BRUCHBARER AUDIOQUALITÄT! So startet s'neue Johr nach 20 Täg doch guet. Us dere Folg gits effektiv wiedermol wahnsinnig vil bruchbars für sich zum drus mitneh, vo Tipps im Umgang mit z'vil Bildschirmzit über d'Vorteil vo Suurteigbrot bis hin zum Life Hack, wie me s'Silberbsteck ohni Ufwand wieder blitzblank suuber kriegt! Mir sind halt ebbe e Dienstleistigspodcast, do gseht mes wiedermol lut und dütlich. Vil Spass bim lose!

"In de Podcast chumi wiedermol!" (+ ADHS-Struggle mit dr Bildschirmzit)

Mir teste, wie guet mir uns gegesitig kenne und gänn euch on the way no Reiseempfehlige und Hobby-Inspiratione mit - söll no öpper sage, das sig nur e Laber-Podcast, HA! Vil Spass bim Lose & e guete Rutsch, mir ghöre uns nöchst Johr wieder.

"Ich bin nid luunisch, ich bin emotional diversifiziert."

Was isch vorem Aakleidezimmer do gsi? Und warum höre Lüt wo Burpees mache nid eifach uf drmit? Froge über Froge, wo mir hüt z'kläre probiere. Mit mässigem Erfolg - aber wer hätt öppis anders erwartet? Ihr hoffentlich nid. Vil Spass bim lose!

"Ich ha kei Bedürfnis mich z'bestrofe mit Sport."

Dr Silvan isch jetzt offiziell CrossFitter - wie das passiert isch, das verzellemer hüt. D'Madame isch währenddesse komplett im Interior-Design-Rabbithole und füehrt ihre Feldzug gege Schränk (Kleiderschränk, nid dr Silvan...höhö) unbeirrt fort. Vil Spass bim lose!

"Die drei goldige Fitness-Regle." (Befolge uf eigeni Gfohr)

Professionell duretherapiert - dr Podcast für die Lüt, wo zwar scho lang dörfe Autofahre, aber absits vo de Strosse immerno oft planlos durch s’Lebe navigiere. Genau so goht's uns zwei knackige knapp-Ü30er au! “Erwachse sii für Profis” isch s’Motto und mir hoffe, dasses euch inspiriert, hilft oder im schlimmste Fall eifach unterhaltet, wenn mir vo unserne chlinnere und grössere Alltagshürde - und allem andere, wo uns ufem Weg dört hii dure Kopf goht - brichte.

Afroge/Kontakt: hey@onkelsilvan.ch

Silvan Meyer

Shows