An dëser Episod schwätze mir mat dem Lëtzebuerger Schauspiller Timo Wagner iwwer säi ganze Wee an d’Schauspillerei. Hie erzielt éierlech, wéi alles ugefaangen huet, wou d’Struggle waren, a wéi hien et gepackt huet, sech an enger klenger awer ëmmer méi wichteger Filmszen duerchzesetzen. Vun deenen éischte Schrëtt bis bei professionell Produktionen – eng Rees voller Passioun, Zweifelen an Erfolleger.

Timo Wagner: Säi Wee an d’Schauspillerei

Dës Episod vu Plottwist féiert dech duerch dräi ganz ënnerschiddlech Filmwelten. Mir schwätzen als éischt iwwer Frankenstein vum Guillermo del Toro op Netflix – eng frësch Interpretatioun, déi vill méi Häerz huet wéi ee vu sou engem Monster erwaarde géif. Dono geet et weider mat Make it Short, der kuerzer, mee immens kreativer Sammlung vu Filmer vum Andy Bausch, déi kloer weist, wéi vill Faarf a Form d’lëtzebuergescht Kino ka bidden. An zum Schluss dréint sech alles ëm Wicked: For Good, wou mir kucken, wéi gutt d’Magie vum Musical op d’Leinwand transportéiert gouf. Eng Episod tëscht Grusel, Kreativitéit a richteg vill Film-Léift – perfekt fir all Filmfreak, dee gären e bësse méi déif an d’Matière geet.

Del Toros Frankenstein, Make it Short & Wicked

An dëser Episod schwätze mir iwwer Regretting You, The Smashing Machine, Bugonia an Welcome to Derry.

Vun emotionalem Drama bis zu brutalem Sportfilm, mir huelen alles ënnert d’Lupp.

Dem Lanthimos säin Wahnsinn geet weider

An dëser Episod geet et em follgend Filmer:

Black Phone 2

Springsteen: Deliver Me from Nowhere

Nouvelle Vague

De Grabber rifft zeréck an de Springsteen gëtt emotional

An dëser Plottwist-Episod schwätze mir iwwert de Sci-Fi Blockbuster Tron: Ares, d’Netflix-Serie Monster déi sech dës Kéier ëm den Ed Gein dréint, an A Big Bold Beautiful Journey. Et geet ëm Cyberwelten, grujeleg True Crime a Gefiller, déi direkt un d’Häerz ginn. Eng Mëschung aus Filmkritik, Serien-Analyse a Leidenschaft fir dat wat eis virum Écran fesselt.

Tron, Monster & Big Bold Beautiful: Eng Rees duerch Kino & Serien

An dëser Episod vu Plottwist huele mir véier ganz ënnerschiddlech Filmer ënnert d’Lupp: One Battle after Another, d’romantesch Komedie Splitville, d’Rees duerch Natur a Selbstfindung an The Salt Path an en animéierte Film mat The Bad Guys 2. Mir kucken, wat d’Filmer ausmécht, wou se iwwerraschen a wéi se sech géigesäiteg am Kinojoer ofsetzen.

Battle, Breakup, Beach & Bad Guys

An dëser Episod vu Plottwist huele mir dräi ganz verschidde Kino-Erfarungen ënnert d’Lupp:

 * The Conjuring: Last Rites – Den neie Kapitel an der populärer Horror-Rei, deen d’Warrens nach eng Kéier an en däischteren Fall féiert. Mir schwätzen driwwer, wéi de Film un déi viregt Deeler uknëppt, wat en nei bréngt an ob d’Franchise nach ëmmer frësch bleift.
 * Eden – E Film iwwer Idealismus a Muechtspill op der Galapagos-Insel Floreana, wou eng Grupp Leit versicht hiert eegent Paradäis ze bauen. Mir analyséieren d’geschichtlech Inspiratioun hannendrun, d’Konflikter tëscht de Personnagen an d’Spannung tëscht Utopie an Realitéit.
 * 22 Bahnen – Eng intim Familljendrama aus Däitschland, dat d’Geschicht vu schwéiere Familljebänn, zwee Schwësteren an enger kämpfender Mamm erzielt. Mir kucken, wéi de Film mat Themen wéi Verantwortung, Identitéit a Generatiounswonnen ëmgeet.

Duerch dës dräi Filmer beweege mir eis tëscht Horror, Historiendrama a Coming-of-Age-Erzielung an diskutéieren, wéi se all op hir Manéier Froen iwwer Glawen, Idealismus a Famill stellen.

Tëscht Exorzismus an Exil

An dëser Episod vun Plottwist schwätze mir iwwer zwee Filmer, déi d’Grenze vun der Léift op brutal Aart a Weis ausloten. Am Together mam Dave Franco an Alison Brie gëtt eng Bezéiung sou intensiv, datt d’Partner lues a lues kierperlech zesummewuessen – Body-Horror als Metapher fir Co-Ofhängegkeet. Am Géigendeel dozou geet et an The Roses mat Benedict Cumberbatch an Olivia Colman ëm eng Hochzäit, déi sech an e richtege Krich verwandelt: schwaarz Satire, Humor an Explosiounen inklusiv.

Mir analyséieren, firwat béid Filmer esou extrem Weeër wielen, wéi Horror an Humor zesumme funktionéieren, a wat se iwwert d’Natur vun der Léift a vum Zesummeliewe soen.

Zesumme bis et blutt – getrennt bis et knuppt

🎬 An dëser Plottwist-Episode schwätze mir iwwer Weapons (2025) – de vill diskutéierte Psycho-Horror vum Zach Cregger, wou eng kleng Stad an d’Däischtert gezunn gëtt, nodeems 17 Kanner an enger Nuecht verschwannen. Mir kucken, firwat de Film esou vill Opmierksamkeet kritt, wéi hie mat Trauma an Horror spillt.

Als Bonus huele mir iech mat op eng verréckt Kino-Rees: vum Kierpertausch am Freaky Friday, iwwer d’Nostalgie vun de Karate Kid-Legenden, bis hin zum Action-Spektakel mat K-Pop Dämon Hunteren.

🎧 Perfekt fir all déi, déi Loscht op Horror, Kultklassiker an e bëssen Kino-Chaos hunn!

Weapons an aner Kino-Kuriositéiten: Freaky Friday, Karate Kid & K-Pop Dämonen

An dëser Episod diskutéiere mir déi nei Versioune vu Fantastic Four, The Naked Gun an I Know What You Did Last Summer. Muss alles nei gemaach ginn? Wéi vill Nostalgie ass nach dran – a wéi vill feelt?

Fantastic Four, Naked Gun & Summer-Schocker

Plottwist ass e Podcast wou zwee Filmnerds iwwert eng vun hire gréissten Leidenschafte schwätzen. Klassiker oder nei Filmer, neicht ass vrun hinne sécher...

Winmi

Shows